Jump to Navigation

Authority, Chinese Firms Sign Road Construction Agreement Amounting 2 Bln Birr

Published on: Tue, 2013-12-17 00:00
Rural road image

የኢትዮጵያ መንገዶች ባለስልጣን ከ2 ቢሊየን ብር በላይ በሆነ ወጪ የ121 ነጥብ 5 ኪሎ ሜትር የመንገድ ግንባታ የኮንትራት ስምምነቶችን ተፈራረመ ።

ስምምነቱን ከባለስልጣኑ ጋር የተፈራረሙት ሁለት የቻይና አለም አቀፍ ተቋራጮች ሲሆኑ ፥ ፕሮጄክቱ ከ1 ነጥብ 5 ቢሊየን ብር በላይ በጀት ተይዞለታል።

ስምምነቶቹ የደሴ-ኩታበር-ተንታ መገንጠያን እንዲሁም የኦሞ ኩራዝ ስኳር ፋብሪካ ቁጥር 2 እና 3 መገንጠያ መንገዶችን ደረጃ ለማሳደግና ለመገንባት የሚያስችሉ ናቸው ።

የባለስልጣኑ ዋና ዳይሬክተር አቶ ዛይድ ወልደገብርኤል በዚህ ወቅት እንደተናገሩት ፥ የመንገዶቹ መገንባት በአካባቢዎቹ የመንገድ ተደራሽነትን ከመፍጠር ባለፈ በአካባቢዎቹ ያለውን ከፍተኛ የልማት እንቅስቃሴን ያግዛል ።

የደሴ -ኩታበር-ተንታ መገንጠያ 67 ነጥብ 5 ኪሎሜትር የመንገድ ፕሮጀክት በቻይናው ፈርስ ሃይዌይ ኢንጅነሪግ በተባለ አለም አቀፍ ተቋራጭ የሚገነባ ነው ።

በደቡብ ክልል ደቡብ ኦሞ ዞን የሚካሄደው የኦሞ ኩራዝ ስኳር ፋብሪካ ቁጥር 2 እና ቁጥር 3 የመንገድ ፕሮጀክትም ደረጃውን በጠበቀ የጠጠር መንገድ ደረጃ የሚገነባ ነው የሚሆነው።

የግንባታ ስራውን ለማከናወን ስምምነት የተፈራረመው ሲኖሃይድሮ የተባለው የቻይና አለም አቀፍ የስራ ተቋራጭ የመንገዱን ግንባታ በ2 ዓመት ተኩል ጊዜ ውስጥ አጠናቅቃለሁ ብሏል።

Source: Fana Broadcasting Corporate (FBC)



Main menu 2

Lambadi Software Developer P.L.C