Jump to Navigation

Authority Awards 6.5 Bln Birr Road Project To Chinese Firms

Published on: Thu, 2014-01-16 00:00
Officials during the signing ceremony image

የኢትዮዽያ መንገዶች ባለስልጣን ከ6 ነጥብ 5 ቢሊየን ብር በላይ በሚሆን ወጪ 3 የመንገድ ፕሮጀክቶችን ለማስገንባት ከሶስት የቻይና ኩባንያዎች ጋር ስምምነት ተፈራረመ።

የኢትዮዽያ መንገዶች ባለስልጣን ዛሬ ውለታ የገባባቸው የመንገድ ፕሮጀክቶች ፤ የአቃቂ ለቡ እና የአቃቂ የረር ፣  የጋሸና- ላሊበላ እና የዛጎራ- ጋሳይ መንገዶች ናቸው።

ከ4 ነጥብ 6 ቢሊየን ብር በላይ በጀት የተያዘላቸው የአቃቂ- ለቡ እና የአቃቂ -የረር የ28 ኪሎ ሜትር መንገዶች  ፥ ከአዳማ ወደ አዲስ አበባ ለመግባት መሃል ከተማ ማቋረጥ ሳያስፈልግ ስድስት መኪኖችን በአንደ ጊዜ በግራና በቀኝ ማሳለፍ የሚያስችሉ መሆኑን የባለስልጣኑ ዋና ዳይሬክተር አቶ ዛይድ ወልደገብርኤል ተናግረዋል።

ሁለተኛው ፕሮጀክት ፤ ከጋሸና - ላሊበላ አዲስ የአስፋልት ንጣፍ ስራ ከ1 ነጥብ 4 ቢሊየን ብር በላይ የሚያስፈልገው እና  89 ኪሎሜትር ርዝመት የሚሸፍን ሲሆን ፥ ይህም ኢትዮጵያ ካሏት የቱሪስት መዳረሻ ስፍራዎች አንዱ የሆነውን የላሊበላ ከተማን ተጠቃሚ የሚያደርግ ነው ብለዋል ዋና ዳይሬክተሩ ።

ሞጣ ፣ ወሮታን ፣ ወልድያን እና ሌሎች ከተሞችን አስተሳስሮ በአካባቢው ያለውን ኢኮኖሚ በማሳደ ትልቅ ድርሻ ያለው 3ኛው ፕሮጀክት ደግሞ የዛጎራ - ጋሳዬ መንገድ ነው።

በ3 አመት ጊዜ ውስጥ ይጠናቀቃል የተባለው ይህ ፕሮጀክት ከ 485 ሚሊየን ብር በላይ ባጀት ተይዞለታል።

እነዚህ ከ161 ኪሎ ሜትር በላይ ርዝመት ያላቸው የመንገድ ፕሮጀክቶች ትልልቅ ድልድዮችን ፤ ማሳለጫዎች እና ማቋረጫዎች  የመሰሳሉትን ያካተቱ መሆናቸውም ነው የተገለፀው ።

በቻይናዎቹ  ሲ.ሲ.ሲ.ሲ. ፣  ቻይና ሬይል ዌይ ግሩፕ  ስሪ  እና ግሩፕ ሰባት በተሰኙ ኩባንያዎች የሚከናወኑት እነዚህ የመንገድ ፕሮጀክቶች ወጪያቸው በኢትዮዽያ መንግስትና በቻይናው ኤግዚም ባንክ ይሸፈናል ተብሏል።

Source:  Fana Broadcasting Corporate (FBC)



Main menu 2

Lambadi Software Developer P.L.C