Jump to Navigation

15 Million People To Get Asses To Pure Drinking Water In Budget Year

Published on: Mon, 2013-12-30 00:00
Image showing a child drinking water at a water thumb

ባለንበት የበጀት ዓመት በገጠርና በከተማ 15 ሚሊየን ህዝብ የንፁህ መጠጥ ውሃ ተጠቃሚ ለማድረግ እየተሰራ መሆኑን የውሃ መስኖና ኢነርጂ ሚኒስቴር አስታወቀ።

ባለንበት የበጀት ዓመት በገጠርና በከተማ 15 ሚሊየን ህዝብ የንፁህ መጠጥ ውሃ ተጠቃሚ ለማድረግ እየተሰራ መሆኑን የውሃ መስኖና ኢነርጂ ሚኒስቴር አስታወቀ።

ሚኒስቴር መስሪያ ቤቱ በ15 ዓመት ውስጥ የንፁህ መጠጥ ውሃ የሳኒቴሽን አገልግሎት ያላገኙ የህብረተሰብ ቁጥርን በግማሽ ለመድረስ ሲያቅድ ፤ በ2007 መጨረሻም 69 በመቶ አፈጻጸም ለማሳየት አቅዶ በአሁኑ ሰአት 68 ነጥብ 4 በመቶ ማድረስ ተችሏል።

በአምስት አመቱ የልማት እቅድ ዘመን ደግሞ የመጠጥ ውሃ ሽፋንን 98 በመቶ ለማድረስ ታቅዶ እየተሰራ ሲሆን ፥ ግቡን ለማሳካትም ከፍተኛ ርብርብ እየተደረገ መሆኑን ነው ሚኒስትር ዲኤታው አቶ ከበደ ገርባ የሚናገሩት።

በየዓመቱ የንፁህ መጠጥ ውሃና የሳኒቴሽን አገልግሎት እያገኘ ያለው ህዝብ ቁጥር እየጨመረ መሆኑን የሚጠቅሱት ሚኒስትር ዲኤታው ፥  በ2005 ዓ.ም 10 ሚሊየን ህዝብ የንፁህ መጠጥ ውሃ ተጠቃሚ መሆኑን ተናግረዋል።

በበጀት አመቱም 15 ሚሊየን ህዝብ የንፁህ መጠጥ ውሃ ተጠቃሚ ለማድረግ ከክልሎች ጋር በጋራ እየሰሩ መሆኑንም ነው ያነሱት።

በከተማ 20 ሊትር በገጠር ደግሞ 15 ሊትር ለአንድ ሰው በሚል እየተሰራ ነው።

ይሁን እንጅ ለበርካታ ዓመታት ታቅደው የተገነቡ የውሃ ጣቢያዎች ከህብረተሰቡ የአኗኗር ለውጥ ጋር ተያይዞ የውሀ እጥረት የሚፈጠርበት ሁኔታ እየተከሰተ ነው ብለዋል።

ከውሃ ሽፋን አኳያ እድገት መኖሩን የሚናገሩት ሚኒስትር ዲኤታው ፥ ከጥራት አኳያ ግን ቀሪ ስራዎች መኖራቸውን ጠቁመዋል።

የከተሞችን የመጠጥ ውሃ ችግር ሙሉ በሙሉ ይቀርፋሉ ተብለው ከተጀመሩ የውሃ ጣቢያዎች ግንባታ መካከል ገሚሶቹ ሲጠናቀቁ ፥ አብዛኞቹም እስከ ሶስት ወራት ባለው ጊዜ ውስጥ ይጠናቀቃሉ ተብሎ ይጠበቃል።

Source: Walta Information Center (WIC)



Main menu 2

Lambadi Software Developer P.L.C